原先無乜太大期待嘅《劍魂6》推出後卻爆紅，但原因唔係因為遊戲本身，而係佢裡面有個可以自由創造角色嘅模式令好多玩家玩到不能自拔，不單將經典遊戲角色神還原，仲惡搞埋其他卡通人物，真係不得不佩服佢哋嘅創意！
《劍魂6》推出後，玩家們之間掀起咗一股創作熱潮，就係透過遊戲獨特嘅塑造模式，設計出唔同造型嘅角色，而有趣嘅係，對大家嚟講，似乎呢一樣嘢比遊戲本身更加好玩。
當中有啲作品係還原其他遊戲嘅經典角色，如《鬥陣特攻》嘅慈悲、《潛龍諜影》嘅Soild Snake，以及蜘蛛俠等，人物嘅完成度非常高，不禁令人大讚神乎其技！
另外亦有啲人鍾意惡搞，將其他人氣角色或者卡通人物進行二次創作，造型非常搞笑抵死。如果係你，你又會想設計咩角色？
資料來源：4gamers.com.tw
