話說想當日PUBG (PlayerUnknown’s Battlegrounds) 一出街無耐，全世界都係雞前雞後，當然，小編都係其中一個。但誰不知翻版一個接一個，仲要加埋啲二次創作版本，真係想點食就點食，而其中最成功嘅一定係Fortnite Battle Royale，出街第一日就已經有過百萬人玩啦，真係青出於藍，但點解芸芸眾雞，偏偏要係Fortnite呢？
首先第一壇最均真嘅，好純粹係一個要錢、一個免費。家陣講得打機大部分都係後生仔女，雖然PUBG只係要30美金左右，但對年紀輕輕嘅學生哥都唔小野。過到第一關，之後點樣留住啲玩家呢？老老實實都係兩個字：好玩。PUBG定位真實，冇乜大變化，真係明刀明槍；反觀Fortnite玩法多變，又可以打爆道牆，想自己起番道牆出嚟又得，真係任得你舞，遊戲結果自然難估咗，玩家都自然投入咗。
其實講到最後，「本是同根生，相煎何太急」呀，出街咪用手機玩Fortnite，番到屋企咪坐定定玩PUBG囉，但嚟緊好似話連Ubisoft同Electronic Arts等等嘅大廠牌都心思思想畀啲雞大家食，唔知Fortnite到時可唔可以「企硬！唔take野」呢？
